ත්‍රිකුණාමල මුහුදු වෙරළට ඊයේ(11) රාත්‍රියේ සිට තාර වැනි ආගන්තුක ද්‍රව්‍යක් ගොඩ ගසමින් තිබෙන බව ධීවරයන් පවසති.
තාර වැනි මෙම ද්‍රව්‍ය කුඩා කැබලි හා ගුලි ලෙස පැමිණෙන බවත්,ඒවා ඇලෙන සුළු බවත් ධීවරයන් පවසති.
මේ වන විට පිටත වරාය තුල නැංගුරම්ලා තිබෙන නෞකාවකින් ත්‍රිකුණාමල මුහුදු වෙරළට මෙම ද්‍රව්‍ය පැමිණෙන බව ධීවරයන්ගේ අදහසයි.එම නෞකාව පැමිණීමෙන් පසු මෙම ද්‍රව්‍ය පැමිණෙන බව ධීවරයන් පැවසීය.
මෙම තාර ගුලි වැනි ආගන්තුක ද්‍රව්‍ය දැල් හා ධීවර ආම්පන්න වල ඇලෙන බවත්, කුඩා දරුවන්ට පවා වෙරළට යා නොහැකි තත්වයක් උදාවී ඇති බවත් ත්‍රිකුණාමල වෙරළ ආශ්‍රිත ධීවරයන් වැඩිදුරටත් කියා සිටියේය.
