ඉන්දියාවේ බිහාර් ප්‍රාන්තයේ බුද්ධගයාවේ එළවලු වෙළෙඳපොළක් ආශ්‍රිතව විශාල ගින්නක් හටගෙන ඇති බව විදෙස් මාධ්‍ය වාර්තා කර තිබේ.
එම වාර්තා වැඩිදුරටත් සඳහන් කර ඇත්තේ ගින්න හේතුවෙන් එහි තිබූ වෙළෙඳසැල් 100කට අධික ප්‍රමාණයන් මුළුමනින්ම විනාශ වී ගොස් ඇති බවය.
මේ අතර ගින්න හටගැනීමත් සමඟ ඇතැම් වෙළෙඳසැල් තුළ තිබූ ගෑස් සිලින්ඩර කිහිපයක් ද පුපුරා ගොස් ඇති බවට වාර්තාවන බව විදෙස් මාධ්‍ය වාර්තා කර තිබේ.
හදිසියේ හටගත් මෙම ගින්න හේතුවෙන් යතුරුපැදි 6ක් ද විනාශ වී ඇති බව විදෙස් මාධ්‍ය වැඩිදුරටත් වාර්තා කර සිටී.
ගින්නෙන් ජීවිත හානි කිසිවක් වාර්තා වී නොමැති අතර මාධ්‍ය වාර්තා පෙන්වා දෙන්නේ ගින්න මුළුමනින්ම පාලනය කර ඇති බවය.
ගින්නට හේතුව මෙතෙක් අනාවරණය වී නොමැති අතර බිහාර් බලධාරීන් වැඩිදුර විමර්ශන ආරම්භ කර ඇත.
55
/ 100
SEO Score
