අණ නොතකා ධාවනය කළ මෝටර් රථයකට පොලීසිය විසින් වෙඩිතැබීමක් සිදුකර තිබේ. ඊයේ (13) රාත්‍රියේ සිදුකළ මෙම වෙඩි තැබීම වාර්තා වන්නේ මන්නාරම මුලන්කාවී ප්‍රදේශයෙනි.
ජංගම මුර සංචාරයේ නිරතව සිටි පොලිස් නිලධාරීන් කණ්ඩායමක් විසින් එම රථයට නවත්වන ලෙසට සංඥා කළද එය නොනවත්වා ධාවනය කිරීම නිසා පොලිසිය මෙම වෙඩි තැබීම සිදුකර ඇත.
වෙඩි ප්‍රහාරයෙන් මන්නාරම මුරුන්ගන් ප්‍රදේශයේ පදිංචි 36 හැවිරිදි පුද්ගලයෙක් තුවාල ලබා යාපනය ශික්ෂණ රෝහලට ඇතුළත් කර තිබේ.
පොලිසිය වැඩිදුර පරීක්ෂණ පවත්වයි.
