අප්‍රේල් මස 14 වැනි සිකුරාදා අපර භාග 05.05 ට විචිත්‍ර වර්ණ වස්ත‍්‍රාභරණයෙන් සැරසී දකුණූ දිශාව බලා සියලූ වැඩ අල්ලා ගනුදෙනු කොට ආහාර අනුභවය මැනවි.
ආහාර අනුභවයත් වැඩ ඇල්ලීම හා ගනුදෙනු කිරීමත් සිදු වන්නේ එකම නැකතකටය.
ගනුදෙනු කිරීමේදී පවුලට ඉතා හිතවත් යහපත් පුද්ගලයකු සමඟ ගනුදෙනු කිරීමද වැඩ ඇල්ලීමේ දී කිරි ගසකට පිහියකින් කෙටීම හෝ කැත්තෙන් උදැල්ලෙන් කරන වැඩක් සිදු කිරීමද සිරිතයි.
දිනපතා වතුර ගන්නා ළිඳට අගුරු කැබැල්ලක් වී ටිකක් හා කාසියක් එකට තබා රෙදි කැබැල්ලකින් ඔතා පොට්ටනියක් කර ළිඳට දමයි. පළමු වතුර බාල්දිය ගනු ලබන්නේ ඉන් පසුවය.
මෙය ස්වභාව ධර්මය සමඟ මිනිසාගේ ඇති බැඳීම පිළිබිඹු කරන චාරිත්‍රයකි. ආහාර අනුභව කරන මොහොතේ පවුලේ සියලු දෙනා එකට හිඳ අනුභවය සිදු කරයි.
එය පවුලේ සමගිය තහවුරු කරන චාරිත්‍රයක් ලෙස හැඳින්විය හැකිය.
59
/ 100
SEO Score
