තලකිරියාගම තෙන්නකෝන්පුර ප්‍රදේශයේ ගොවි මහත්මයෙක් අක්කර දෙකහමාරක සාර්ථක වට්ටක්කා අස්වැන්න වෙසක් පුන් පොහෝ දින දන් දී තිබෙනවා.
දඹුල්ල ගලේවෙල ප්‍රධාන මාර්ගයේ ඉබ්බංකටුව එස්. වංගුව ආසන්නයේ දී ප්‍රධාන මාර්ගයේ ගමන් කරන මහජනතාව මෙලෙස බෙදා දී ඇති බවයි වාර්තා වන්නේ.
ගලේවෙල තලකිරියාගම තෙන්නකෝන්පුර පදිංචි සුගත් වීරසිංහ මහතා විසින් මෙම අපුරු දන්සල සිදුකර තිබුණා.
දැඩි මහන්සියෙන් වගා කළ තම වට්ටක්කා අස්වැන්න සඳහා නිසි මිලක් නොමැති බව ඔහු මෙහිදී සඳහන් කළා.
ආර්ථික මධ්‍යස්ථානයට රැගෙන ගියද ඒවා මිලදී නොගැනීම නිසා දැඩි සිත් වේදනාවෙන් සිටි මෙම ගොවි මහතා කිලෝ 12500ක් පමණ මෙම අවස්ථාවේදී දන් දී තිබෙනවා.
