කළුතර – නාගොඩ ප්‍රදේශයේ තාවකාලික නවාතැන්පොළක පස් මහල් ගොඩනැගිල්ලක තුන් වැනි මහලින් ඇද වැටී අභිරහස් ලෙස සිසුවියක් මියයාමේ සිද්ධිය සම්බන්ධයෙන් තවත් සැකකරුවෙකු අත්අඩංගුවට ගෙන තිබෙනවා.
මෙලෙස අත්අඩංගුවට ගෙන ඇත්තේ සිසුවිය සහ අනෙක් පිරිස ලැගුම්හලට පැමිණීමට කුලී පදනම මත ලබාගත් මෝටර් රථයේ රියදුරායි.
දැනට අත්අඩංගුවට ගැනීමට සොයන තරුණයා පලාගොස් ඇත්තේ ද මෙම මෝටර් රථයෙන්. සිසුවිය සමඟ පිරිමි පුද්ගලයන් දෙදෙනෙකු සහ තවත් කාන්තාවක් මෙලෙස පැමිණ තිබූ අතර, ඉන් කාන්තාව සහ එක් අයෙකු ඊයේ (07) අත්අඩංගුවට ගෙන තිබුණා.
අනෙක් තරුණයා මේ වනවිට පලාගොස් තිබෙනවා.
පෙරේදා (06) පස්වරුවේ තවත් තරුණ යුවලක් සහ තරුණයෙකු සමඟ අදාළ නවාතැන්පොලට පැමිණ තිබුණා. පසුව ඇයගේ සිරුර හමුවූයේ නවාතැන්පොල පිටුපස දුම්රිය මාර්ගය ආසන්නයේ වැටී තිබියදියි.
62
/ 100
SEO Score
