හරක්කටා සහ කුඩු සළිඳුගෙන් මේ වනවිට කරගෙන යන දීර්ඝ ප්‍රශ්නකිරීම්වලදී ඔවුන්ගේ අපරාධ ජාලය සමග සමීපව කටයුතු කළ දූෂිත පොලිස් නිලධාරීන් කිිහිපදෙනෙකු පිළිබඳ අනාවරණය වී ඇතැයි විමර්ශන ආරංචි මාර්ග හෙළි කරයි.
විශේෂත්වය වන්නේ මෙම පාතාලයින් සමග ගනුදෙනු කරමින් මුදල් ඉපැයූ නිලධාරීන් අතර පොලිසියේ ඉහළම නිලධාරීන් ද සිටින බව පොලිසියේ අභ්‍යන්තර ආරංචි මාර්ග පැවසීමය.
කෙසේ වෙත්ත මෙතෙක් එම පොලිස් නිලධාරීන් සම්බන්ධව සටහන් තැබීම සිදුකර නැති බවත්, ඉදිරියේ දී හෙලි කරගැනීමට නියමිත තවත් තොරුතුරු මගින් නිශ්චිතව තහවුරු කරගැනීමෙන් අනතුරුව එම සටහන් තැබීම සිදුකරනු ඇති බවත් විමර්ශන අංශ කියයි.
කුඩු සළිඳු සම්බන්ධ වූ පානදුරේ වෙඩි තැබීමේ සිද්ධියකින් පසු සලිඳුට සහ ඔහුගේ ගෝලයින්ට රටන් පිටවීමට අවස්ථාව සලසා දී මිලියන ගණනින් මුදල් ලබාගත් ඉහළ පොලිස් නිලධාරියෙක් පිළිබඳව ද විශාල තොරතුරු ප්‍රමාණයක් හෙළි දරව් වෙමින් ඇතැයි ද පොලිසියේ අභ්‍යන්තර ආරංචි මාර්ග පවසයි.
මෙතෙක් සිදුකළ ප්‍රශ්නකිරීම්වලදී කඩු සළිඳුගේ ගෝලයෙක් සහ ගිනි අවි දෙකක් අත්අඩංගුවට ගැනීමට විමර්ශන අංශවලට හැකි වී තිබේ.
මනුෂ්‍ය ඝාතන හා සංවිධානාත්මක අපරාධ වමර්ශන කොට්ඨාසය විසින් හරක්කටාගෙන් කළ ප්‍රශ්නකිරීම්වල දී වර්ෂ 2022 දී ජුනි මාසයේ අහංගම දී කළ පුද්ගල ඝාතනයක් සඳහා යොදා ගත් ගිනි අවිය උඩුගම බස් නැවතුම්පල ආසන්නයේ ගසක් යට වළ දමා තිබී සොයා ගෙන ඇත.
