පැය 24 ක කාලයක් ක්‍රියාත්මක කළ, දුම්රිය ස්ථානාධිපතිවරුන්ගේ සංගමයේ සංකේත වැඩවර්ජනය ඊයේ මධ්‍යම රාත්‍රී 12 න් අවසන් වුණා.
ඒ අනුව අද දිනයේදී සාමාන්‍ය කාලසටහන අනුව දුම්රිය ධාවනය වනු ඇති බවයි දුම්රිය ස්ථානාධිපතිවරුන්ගේ සංගමය පැවසුවේ.
දුෂිත නිලධාරියෙකු දුම්රිය දෙපාර්තමේන්තුවේ නියෝජ්‍ය සාමාන්‍යාධිකාරී (වාණිජ) තනතුරට පත්කර ඇති බව පවසමින් දුම්රිය ස්ථානාධිපතිවරුන් මෙම වැඩවර්ජනය ක්‍රියාත්මක කළා.
කෙසේවෙතත් ඒ සම්බන්ධයෙන් බලධාරීන් යහපත් ප්‍රතිචාරයක් නොදැක්වුවහොත් ඉදිරියේදී දැඩි වෘත්තිය ක්‍රියාමාර්ගයකට යොමුවන බවයි දුම්රිය ස්ථානාධිපතිවරුන්ගේ සංගමයේ සභාපති සුමේධ සෝමරත්න මහතා පැවසුවේ.
61
/ 100
SEO Score
