බුදුන් වහන්සේට සහ වෙනත් ආගමික විශ්වාසයන්ට නිගරු වන අන්දමින් මතභේදාත්මක දේශන සිදුකළ දේවගැති ජෙරොම් ප්‍රනාන්දු දිවයිනෙන් පිටව ගොස් ඇති බව ආරංචි මාර්ග සඳහන් කරයි.
එම ආරංචි මාර්ග වැඩිදුරටත් සඳහන් කරන්නේ ඔහු පසුගිය 14 වනදා සිය බිරිඳ සහ දියණියන් දෙදෙනා ද සමඟ දිවයිනෙන් පිටව ගොස් ඇති බවය.
මේ අතර අපරාධ පරීක්ෂණ දෙපාර්තමේන්තුව විසින් අද දේවගැති ජෙරම් ප්‍රනාන්දුට එරෙහිව කොටුව මහේස්ත්‍රාත් අධිකරණය මගින් විදේශ ගමන් තහනමක් ලබාගෙන තිබේ.
ජෙරොම් දේවගැතියා අද අලුයම සිංගප්පූරුව බලා පිටත් වූ අතර ඉක්මනින්ම වෙනත් ගමනාන්තයකට පිටත් වීමට නියමිත බව වාර්තා වේ.
දෙවියන්වහන්සේ සමග සමීප සම්බන්ධතා පවත්වන බව කියන ස්වයං ප්‍රකාශිත ශාන්තුවරයාට අවම වශයෙන් තවත් රටවල් දෙකකට වීසා කිහිපයක් ඇති බවත් මුලාශ්‍ර විසින් තහවුරු කර සිටිනවා.
54
/ 100
SEO Score
