ආගමික සංහිඳියාව නැති වී යන ආකාරයේ වෛරී ප්‍රකාශයක් කරමින් රට කැළඹවූ ස්වයං ප්‍රකාශිත දිවැසිවරයෙක් ලෙස පෙනී සිටින ආගමික කල්ලි නායකයෙක් වන ජෙරොම් ප්‍රනාන්දු අද රාත්‍රී 11.45ට සිංග්ගපූරුවේ සිට එන ගුවන් යානයකින් ශ්‍රී ලංකාවට පැමිණීම සඳහා ගුවන් ටිකට්පත් වෙන් කරගෙන ඇතැයි ගුවන්තොටුපල ආරංචි මාර්ග පවසයි.
මෙම පුද්ගලයා ඇති කළ සාමයික නොසන්සුන්තාවය හේතුවෙන් ඔහුවට එරෙහිව පරීක්ෂණයක් කරන ලෙස ජනාධිපතිවරයා අපරාධ පරීක්ෂණ දෙපාර්තමේන්තුවට කළ නියෝගයකට අනුව විමර්ශන ආරම්භ වීමට පෙර ඔහු සිය පවුලේ අයත් සමග රටින් පිටවී ගොස් තිබිණි.
එහෙත් ඔහු සිය ඉන්සටග්‍රෑම් ගිනුමේ ප්‍රකාශයක් කරමින් කීවේ ඉරිදා යළි ලංකාවට පැමිණෙන බවය.
මේ වනවිට ජෙරොම් ප්‍රනාන්දුට එරෙහිව ගුවන් ගමන් තහනමක් පනවා ඇති බැවින් කිසියම් ආකාරයකට අද ඔහු රටට පැමිණියහොත් අත්අඩංගුවට ගැනීම සඳහා අපරාධ පරීක්ෂණ දෙපාර්තමේන්තුවේ නිලධාරීන් විසින් ගුවන්තොටුපල ආරක්ෂාව තර කර ඇතැයි වාර්තා වේ. .
