හම්බන්තොට සුචී ගම්මානය ප්‍රදේශයේදී ඊයේ (22) රාත්‍රී සිදු වූ වෙඩි තැබීමකින් පුද්ගලයෙකු මියගොස් තිබෙනවා.
පොලිස් මාධ්‍ය ප්‍රකාශක කාර්යාලය සඳහන් කළේ ඊයේ රාත්‍රි 9ට පමණ මෙම වෙඩි තැබීම සිදුව ඇති බවයි.
යතුරුපැදියකින් පැමිණි නාඳුනන පුද්ගලයින් දෙදෙනෙකු වෙඩි තැබීම සිදුකර ඇති බව මූලික විමර්ශනවලදී අනාවරණ වී තිබෙනවා.
වෙඩි තැබීමෙන් බරපතළ තුවාල ලැබූ පුද්ගලයා රෝහල්ගත කිරීමෙන් පසු මියගොස් ඇති බවයි පොලිස් මාධ්‍ය ප්‍රකාශක කාර්යාලය සඳහන් කළේ.
මෙලෙස මිය ගොස් ඇත්තේ හම්බන්තොට සිරිබෝපුර ප්‍රදේශයේ පදිංචි 38 හැවිරිදි පුද්ගලයෙක්.
වෙඩි තැබීමට හේතුව මෙතෙක් අනාවරණ වී නැහැ. සිද්ධිය සම්බන්ධයෙන් පරීක්ෂණ පවත්වන්නේ හම්බන්තොට පොලිසියයි.
54
/ 100
SEO Score
