මුන්දලම පොලිස් වසමේ පුලිච්චාකුලම වැවේ දියනෑමට ගිය පිරිසක් අතරින් පාසල් සිසුවියක් දියේ ගිලී මියගොස් තිබේ.
පොලිස් මාධ්‍ය කොට්ඨාසය සඳහන් කළේ, ඒ පිළිබඳ පොලීසියට ලද පැමිණිල්ලක් මත විමර්ශන ආරම්භ කළ බවය.
ඊයේ (21) එම පිරිස දියනෑමට ගොස් ඇති අතර, එහිදී 17 හැවිරිදි උඩප්පුව ප්‍රදේශයේ පදිංචිව සිටි මෙවර අපොස සාමාන්‍ය පෙළ විභාගයට පෙනී සිටින සිසුවියක් දියේ ගිලී තිබේ.
මියගිය සිසුවිය මිතුරියන් සිව්දෙනෙක් හා එක් මිතුරියකගේ මිත්තණිය සමග පුච්චකුලම වැවේ දියනාමින් සිටිය දී මෙලෙස ජීවිතක්ෂයට පත්ව ඇත.
මුන්දලම පොලීසිය වැඩිදුර විමර්ශන සිදුකරයි.
65
/ 100
SEO Score
