ප්‍රකාශ නොකළ රත්‍රං තොගයක් නීතිවිරෝධී ලෙස ප්‍රවාහනය කිරීමේ වරදට ශ්‍රී ලංකා රේගුව විසින් රුපියල් මිලියන 7.5ක දඩයකට යටත් කළ පුත්තලම දිස්ත්‍රික් පාර්ලිමේන්තු මන්ත්‍රී අලි සබ්රි රහීම්ට එරෙහිව විනය ක්‍රියාමාර්ග ගන්නා ලෙස ඉල්ලා විපක්ෂයේ මන්ත්‍රීවරුන් 30කට ආසන්න පිරිසක් කථානායකවරයාගෙන් ලිඛිත ඉල්ලීමක් කර තිබෙනවා.
නීතිවිරෝධී ලෙස රත්‍රන් සහ ජංගම දුරකථන තොගයක් මෙරටට ගෙන ඒමට උත්සාහ කිරීමේදී මන්ත්‍රීවරයාව කටුනායක ගුවන්තොටුපොළේදී රේගු භාරයට ගැණුනා.
එහිදී හෙළිවූයේ ඔහු රත්‍රන් කිලෝ 3 1/2ක් සහ ස්මාර්ට් දුරකථන 91ක් මෙරටට ගෙනැවිත් ඇති බවයි.
කථානායකවරයාට ලිපිය ඉදිරිපත්කළ මන්ත්‍රී කණ්ඩායම පවසන්නේ අලි සබ්රි මන්ත්‍රීවරයා මන්ත්‍රී වරප්‍රසාද අවභාවිත කර ඇති බවයි.
මන්ත්‍රී අලි සබ්රි රහීම්ට විරුද්ධව ගෙන ආ යෝජනාව සහ එයට පක්ෂව අත්සන් කළ මන්ත්‍රී ලැයිස්තුව පහතින්,
