මෙක්සිකෝවේ ගමන් මළු 45 ක තිබී මිනිස් සිරුරු කොටස් විශාල ප්‍රමාණයක් එරට පොලිසිය සොයාගෙන තිබෙනවා.
ඒ, තරුණයින් හත්දෙනෙකු අතුරුදන්වීම සම්බන්ධයෙන් ලැබුණු පැමිණිල්ලකට අනුව සිදු කළ විමර්ශනයකදියි.
කෙසේ වෙතත් මෙම ගමන් මළු තුළ පුද්ගලයින් කොපමණ සංඛ්‍යාවකගේ සිරුරු කොටස් තිබේදැයි මෙතෙක් අනාවරණ කරගෙන නැහැ.
මත්ද්‍රව්‍ය ජාවාරම් සහ අපරාධ සම්බන්ධයෙන් ප්‍රසිද්ධියක් උසුලන මෙක්සිකෝවේ අතුරුදන්වීම් සාමාන්‍ය සිද්ධියක්.
2007 වසරේ සිට මේ දක්වා එරට ලක්ෂයකට අධික පිරිසක් අතුරුදන්වී ඇති අතර, ඉන් බහුතරයක් වයස අවුරුදු 18 ට අඩු යෞවනයන් බවයි විදෙස් වාර්තා සඳහන් කළේ.
