නොර්වුඩ් පොලිසියේ රාත්‍රි මුර සංචාරය සදහා යොදවා තිබූ ජිප් රථයක් ප්‍රපාතයකට පෙරලී ගොස් තිබෙනවා.
ඊයේ රාත්‍රී 11 ට පමණ මෙම අනතුර සිදු වී ඇත්තේ හැටන් – බගවන්තලාව ප්‍රධාන මාර්ගයේ වෙන්චර් තේ කර්මාන්ත ශාලාව අසලදීයි.
නොර්වුඩ් සෙන් ජෝන් ටිලරිවත්ත ප්‍රදේශයේ සිට නොර්වුඩ් නිව්වැලිවත්ත ප්‍රදේශයේ අනවසර මැණික් ගැරීමක් වැටලීම සඳහා ධාවනය කරමින් තිබූ අවස්ථාවේ ජිප් රථය මාර්ගයෙන් ඉවතට පැන මෙම අනතුර සිදුව තිබෙනවා.
අනතුරින් එහි ගමන් ගත් පොලිස් නිළධාරින් තිදෙනෙකු තුවාල ලබා දික්ඔය මුලික රෝහල වෙත ඇතුලත් කර ඇති බවයි නොර්වුඩ් පොලිසිය පැවසුුවේ.
අනතුරෙන් ජිප් රථයට දැඩි අලාභ හානි සිදු වී ඇති අතර, අනතුර සම්බන්ධයෙන් හැටන් පොලිසිය පරීක්ෂණයක් ආරම්භ කර තිබෙනවා.
59
/ 100
SEO Score
