ඉහල ගිය රුපියල දරුණු ලෙස පල්ලම් බසී !

ශ්‍රී ලංකා මහ බැංකුව අද නිකුත් කළ විනිමය අනුපාතිකයන්ට අනුව අමෙරිකානු ඩොලරයට සාපේක්ෂව ශ්‍රී ලංකා රුපියල තවදුරටත් අවප්‍රමාණය වුණා.

ඒ අනුව අද දිනයේ අමෙරිකානු ඩොලරයක ගැනුම් මිල රුපියල් 294 යි ශත 91 ක් වූ අතර, විකුණුම් මිල සටහන් වූයේ රුපියල් 309 යි ශත 22 ක් ලෙසයි.

ඊයේ දිනයේ අමෙරිකානු ඩොලරයක ගැනුම් මිල රුපියල් 290 යි ශත 06 ක් වූ අතර විකුණුම් මිල රුපියල් 303 යි ශත 73 ක් ලෙස දැක්වුණා.

මේ අතර, බ්‍රිතාන්‍ය පවුමක ගැනුම් මිල අද දිනයේදී රුපියල් 368 යි ශත 72 ක් ලෙස දැක්වුණු අතර, විකුණුම් මිල රුපියල් 388 යි ශත 72 ක් ලෙස දැක්වුණා.

මහ බැංකුව අද නිකුත් කළ විනිමය අනුපාතිකයන්ට අනුව යුරෝ එකක ගැනුම් මිල දැක්වුණේ රුපියල් 316 යි ශත 35 ක් ලෙසයි.