අතුරුදන් වූ ටයිටන් කුඩා සබ්මැරීනය සොයා සිදුකළ මෙහෙයුම්වලදී ටයිටැනික් නෞකාවේ සුන්බුන් අසල යාත්‍රාවක කොටස් හමු වී ඇති බව වෙරළාරෂක බලකාය Twitter පණිවිඩයක් මඟින් නිවේදනය කර සිටිනවා.
අමෙරිකානු වෙරළාරක්ෂක බලකාය නිවේදනය කර ඇත්තේ ටයිටැනික් නෞකාවේ සුන්බුන් පිහිටි ස්ථානයට නුදුරින් මෙම යාත්‍රා සුන්බුන් සහිත ප්‍රදේශය හඳුනාගෙන ඇති බවයි.
කෙසේ වෙතත්, එය ටයිටන් සබ්මැරීනයේ කොටස් බවට මෙතෙක් තහවුරු කර නැහැ.
මේ වනවිට විශේෂඥයින් අදාළ සුන්බුන් කොටස් කවරක්ද යන්න සම්බන්ධයෙන් විමර්ශන ආරම්භ කර ඇති බවයි වාර්තා වන්නේ.
මෙම සුන්බුන් කොටස් සොයාගෙන ඇත්තේ ටයිටන් සබ්මැරීනය සොයා ගැනීම සඳහා යොදවා තිබූ දුරස්ථ පාලකයක් මගින් ක්‍රියාත්මක යාත්‍රාවක් ආධාරයෙන්.
A debris field was discovered within the search area by an ROV near the Titanic. Experts within the unified command are evaluating the information. 1/2
— USCGNortheast (@USCGNortheast) June 22, 2023
