කැරැල්ලට සම්බන්ධ වැග්නර් නායකයන්ට නීතිය ක්‍රියාත්මක කරන බව රුසියානු ජනාධිපති ව්ලැද්මියර් පුටින් පවසයි.
එහෙත් සාමාන්‍ය වැග්නර් හමුදා සාමාජිකයින් දේශප්‍රේමීන් බව සඳහන් කළ ජනාධිපතිවරයා ඔවුන්ට හමුදාවට බැඳීමට, බෙලරූස් වෙත යෑමට හෝ නැවත නිවසට යෑමට අවසර ලබාදෙන බව ප්‍රකාශ කර තිබේ.
පසුගිය සති අන්තයේදී රුසියානු නගරයක් අල්ලා ගත් වැග්නර් හමුදාව මොස්කව් බලා පිටත්ව ගිය අතර බෙලරූස් ජනාධිපතිවරයාගේ මැදිහත්වීමෙන් ඔවුන් එම ගමන අත්හැර එම රාජ්‍ය වෙත ගමන් කිරීමට පියවර ගත්තේය.
මේ අතර වැග්නර් කුලී හමුදා ප්‍රධානී ඉයුජිනි ප්‍රිගොෂින් මේ වන විට සැඟව සිටින බව වාර්තා වේ.
එමෙන්ම, රුසියාවේ ඇතිවූ කැරැල්ලට අමෙරිකාව ඇතුළු බටහිර රටවල කිසිදු සම්බන්ධයක් නොමැති බව ඇමරිකානු ජනාධිපති ජෝ බයිඩ්න් පවසනවා.
රුසියාව චෝදනා කළේ, වැග්නර් කුලී හමුදාවට රට තුළ මෙවැනි ව්‍යාකූල තත්ත්වයක් ඇති කිරීමට අමෙරිකාව ඇතුලු බටහිර රටවල් උසිගැන්වීම් සිදු කළ බවයි.
අමෙරිකානු ජනාධිපතිවරයා වැඩිදුරටත් පෙන්වා දෙන්නේ මෙම තත්ත්වය රැසියාවේ අභ්‍යන්තර ගැටලු‍වක් වන අතර ඊට අභ්‍යන්තර ලෙස විසදුම් සෙවිය යුතු බවයි.
