විවාහ මංගල උත්සවයකට සහභාගිවීමට අවසර ලබා නොදීම හේතුවෙන් සිත් තැවුලට පත්වූ 13 හැවිරිදි සිසුවියක් සියදිවි හානිකර ගෙන තිබෙනවා.
පොලිසිය ප්‍රකාශ කළේ අලුත්ගම – අටළුගම ප්‍රදේශයේ සිසුවියක් මෙලෙස සියදිවි හානිකරගෙ ඇති බවයි.
පෙරේදා (05) දිනයේ පාසල් නේවාසිකාගාරයේ සිට නිවසට පැමිණි අවස්ථාවේ ඇය සිය මවගෙන් විවාහ මංගල උත්සවයකට යාම සඳහා අවසර ඉල්ලා තිබෙනවා.
එහිදී මව උපදෙස් ලබාදී ඇත්තේ ඊට සිදුවියගේ සහභාගිත්වය අත්‍යවශ්‍ය නොවන බවත්, නේවාසිකගාරයට ගොස් පාසල් යෑමට සූදානම් වන ලෙසයි.
එදින රාත්‍රීයේ නිවසේ නාන කාමරය වෙත ගිය සිය දියණිය පැමිණීම ප්‍රමාදවීම සම්බන්ධයෙන් සිදුකළ සොයා බැලීමකදී එහි දොර කඩා ඊට ඇතුලුවූ නිවැසියන්ට දැකගැනීමට හැකිවූයේ ඇය සියදිවි හානිකරගෙන ඇති බවයි.
