බඩල්කුඹුර මොණරාගල මාර්ගයේ 11 කණුව අසල තාවකාලිකව ඉදිකරන ලද පලතුරු වෙළෙඳසැලක් අසළ ඊයේ (14) ගෙලෙහි කැපුම් තුවාල සහිතව පුද්ගලයෙකු මියගොස් තිබෙනවා.
මෙලෙස මියගොස් ඇත්තේ වයස අවුරුදු 45ක් වූ එම ප්‍රදේශයේම පදිංචිකරුවෙකි. අදාළ පුද්ගලයා පළතුරු වෙළෙඳසැලේ හිමිකරු බවට මුලික විමර්ශනවලදී අනාවරණය වී තිබෙනවා.
කෙසේ වෙතත් කුමන හේතුවෙක් මත මෙම ඝාතනය සිදුකර ඇත්ද යන්න මෙතෙක් හෙළි වී නොමැති බව සඳහන්.
පොලීසිය පැවසුවේ මහේස්ත්‍රාත් පරීක්ෂණයෙන් පසු මෘත ශරීරය පශ්චාත් මරණ පරීක්ෂණය සඳහා බදුල්ල රෝහලේ මෘත ශරීරාගාරයේ තැන්පත් කර ඇති බවයි. සිද්ධිය සම්බන්ධයෙන් පොලීසිය වැඩිදුර පරීක්ෂණ සිදු කරනු ලබනවා.
