කැලණිය විශ්ව විද්‍යාලයේ මහා ශිෂ්‍ය සංගමයේ සිසුන් පිරිසක් අද දහවල් විරෝධතාවයක නිරත වුණා.
ඒ දින 200 වැඩි කාලයක් රිමාන්ඩ් බන්ධනාගාරගතව සිටින එම විශ්ව විද්‍යාලයේ මහා ශිෂ්‍ය සංගමයේ සභාපති කැලුම් මුදන්නායක සහ දිල්ෂාන් හර්ෂණ යන සිසුන් දෙදෙනා නිදහස් කරන ලෙස ඉල්ලමින්.
ආණ්ඩුවේ ඔත්තුකරුවන්ගේ බොරු පැමිණිලි මත ඔවුන් සිරගත කර සිටින බවයි උද්ඝෝෂකයන් පැවසුවේ.
කැලණිය විශ්ව විශ්වවිද්‍යාල භූමියේ සිට විරෝධතා පුවරු ඔසවාගෙන ඔවුන් සරසවි මාවත ඔස්සේ පැමිණ කොළඹ මහනුවර ප්‍රධාන මාර්ගය ට ඇතුල්වන ස්ථානයේ සිට උද්ඝෝෂණ යෙදුණා.
සිසුන්ට කොළඹ මහනුවර ප්‍රධාන මාර්ගයට ඇතුළු ඇතුළු වීමට නොහැකි වන පරිදි පොලිස් මාර්ග බාධක යොදා තිබුණා.
මේ අතර රජරට සරසවියේ සිසුහුන් ද අද විරෝධතාවක නිතර වුණා.
ඒ විශ්ව විද්‍යාල ශිෂ්‍යයන්ගේ ශිෂ්‍යාධාර නිසි පරිදි නොලැබිම හේතුවෙන් සිසුන් දැඩි ආර්ථික දුෂ්කරතාවයකට පත්ව ඇතැයි චෝදනා කරමින්.
මහා ශිෂ්‍ය සංගමය කළ මෙම විරෝධතාවට සිසු සිසුවියෝ 400ක් පමණ එක්ව සිටියා.
