අලුත උපන් බිලිඳු මළ සිරුරක් කෙසෙල්ගමු ඔයට ජලය ගලා බසිනා ඇළ මාර්ගයක තිබි අද (24) හමු වුණ බව නෝර්වුඩ් පොලිසිය පවසනවා.
හැටන් – බගවන්තලාව ප්‍රධාන මාර්ගයේ සාන්ත ජොන් ටිලරි වත්ත ප්‍රදේශයේ ප්‍රධාන මාර්ගයේ කුඩා පාලමක් යට ඇළ මාර්ගයේ තිබි මෙම බිලිඳු මළ සිරුර සොයා ගත් බවයි නොර්වුඩ් පොලිසිය කියා සිටියේ.
එම මාර්ගයේ ගමන් ගත් වතු කම්කරුවන් පිරිසක් කෙසෙල්ගමු ඔයට ජලය ගලා බසිනා ඇළ මාර්ගයේ පොලිතින් උරයක දමා බිලිඳු මළ සිරුරක් පාවෙමින් තිබෙන බවට නෝර්වුඩ් පොලිසියට කළ දැනුම් දීමක් මත නොර්වුඩ් පොලිසිය විසින් බිලිඳු මළ සිරුර සොයාගෙන තිබෙනවා.
අලුත උපන් බිලිඳාගේ සිරුර ඇළ මාර්ගයට ගෙනැවිත් දමන්නට ඇති බවට නොර්වුඩ් පොලිසිය සැක කරනවා.
බිලිඳා බිහි කළ මව සොයා නෝර්වුඩ් පොලිසිය අංශ කිහිපයක් ඔස්සේ විමර්ශනයක් ආරම්භ කර තිබෙනවා.
58
/ 100
SEO Score
