මීගමුව අධිකරණය පිටුපසින් කාන්තා මළ සිරුරක් හමුවෙයි !

මීගමුව පොලිස් වසමේ අධිකරණ සංකීර්ණය පිටුපස කලපුවෙන් කාන්තා මළ සිරුරක් සොයාගැනීමට මීගමුව පොලීසිය සමත්ව තිබෙනවා.

ඒ පොලීසියට ලද තොරතුරක් මතයි. මියගිය කාන්තාවගේ අනන්‍යතාව මෙතෙක් තහවුරු කරගැනීමට පොලීසියට හැකිව නැහැ.

මෙලෙස මියගොස් ඇත්තේ අවුරුදු 40-45ත් අතර වයසේ පසුවන අතර, සුදු සහ කළු ඉරි සහිත ටී ෂර්ට් එකක් සහ කළු පැහැති සායක් හැඳ සිටි උස අඩි 05ක් පමණ කාන්තාවක් බව පොලීසිය පවසනවා.

මීගමුව අධිකරණය පිටුපසින් හමු වූ අදාළ මෘත ශරීරය හදිසි මරණ පරීක්ෂණය සිදුකර මීගමුව රෝහලේ මෘත ශරීරාගාරයේ තැන්පත් කර තිබෙන අතර, මීගමුව පොලිසිය වැඩිදුර පරීක්ෂණ පවත්වනවා.