සෞඛ්‍ය අමාත්‍යාංශයට අයත් රෝහල් 7 ක විදුලිය විසන්ධි කිරීමට ලංකා විදුලිබල මණ්ඩලය තීරණය කර තිබෙනවා.
ඒ, රුපියල් කෝටි 16 කට ආසන්න හිඟ විදුලිය බිල්පත් ගෙවීමට අපොහොසත් වීම හේතුවෙන්.
ඒ අනුව, මෙම හිඟ මුදල ගෙවීමට නොහැකි වුවහොත් විදුලිය විසන්ධි කරන බව ලංකා විදුලිබල මණ්ඩලයේ විදුලි ඉංජිනේරු එම්.එස්. නාකන්දල මහතා විසින් සෞඛ්‍ය අමාත්‍යාංශයට යොමු කළ ලිපියක සඳහන්.
කොළඹ ජාතික රෝහලේ මානුෂීය වශයෙන් සලකා බලා ජීවිත හානියක් වැළැක්වීමේ අරමුණින් ලංකා විදුලිබල මණ්ඩලය අවස්ථා කිහිපයකදී විදුලිය විසන්ධි නොකර අඛණ්ඩව සේවය ලබාදීමටද පියවර ගෙන තිබුණා.
කෙසේවෙතත් ජාතික රෝහලට එම සහනය ඉදිරියේදී ලබාදීමට නොහැකි බව මණ්ඩලය යොමු කළ ලිපියේ සඳහන් වනවා.
මෙලෙස හිඟ විදුලි බිල්පත් ඇති රෝහල් පහතින්,
- කොළඹ ජාතික රෝහල
- ද සොයිසා කාන්තා රෝහල
- ශ්‍රී ලංකා ජාතික දන්ත රෝහල
- රිජ්වේ ආර්යා ළමා රෝහල
- මාලිගාවත්ත වෘත්කවේද කාන්දු පෙරීම හා වකුගඩු බද්ධ කිරීමේ ජාතික මධ්‍යස්ථානය
- ජාතික අක්ෂි රෝහල
- කාසල් වීදියේ කාන්තා රෝහල
