යාපනය විශ්වවිද්‍යාලයේ කලමනාකරණ පීඨයේ දෙවන වසර සිසුවියක් විශ්ව විද්‍යාලයීය නේවාසිකාගාරයක් තුළදී ගෙළ වැළලාගෙන ඊයේ (03) දා මියගොස් තිබෙනවා.
මෙම සිසුවිය මන්නාරමේ පදිංචිකාරියක් වන අතර යාපනයේ කලට්ටි ප්‍රදේශයේ පිහිටි විශ්ව විද්‍යාලයට අයත් සිසු නේවාසිකාගාරයක් තුලදී මෙසේ සිය දිවි හානි කරගෙන ඇති බවයි වාර්තා වන්නේ.
අප වාර්තාකරු සඳහන් කළේ තවත් සහෝදර සිසුවියන් පිරිසක් ඇය සමඟ මෙම නේවාසිකාගාරයේ වාසය කොට ඇති අතර ඔවුන් එහි නොමැති අවස්ථාවක් බලා සිසුවිය ලණුවකින් බාල්කයේ එල්ලි සිය දිවි හානිකරගෙන ඇති බවයි.
මියගිය සිසුවියගේ මෘත ශරීරය පශ්චාත් මරණ පරීක්ෂණ කටයුතු සදහා යාපනය ශීක්ෂණ රෝහල වෙත රැගෙන ගොස් ඇති අතර කෝපායි පොලීසිය සිද්ධිය සම්බන්ධයෙන් පරීක්ෂණ පවත්වනවා.
