බලංගොඩ, බෙලිහුල්ඔය ප්‍රදේශයට බලපා ඇති දැඩි වියළි කාලගුණ තත්ත්වය හේතුවෙන් සමනල වැවේ ජලය විශාල වශයෙන් අඩු වී තිබේ.
ඒ, පවතින අධික වියළි කාලගුණික තත්ත්වයත් සමග ජල මට්ටම තවදුරටත් පහළ යාම හේතුවෙනි.
සමනල වැව ලංකාවේ ඉතා සුන්දර ජලාශයක් වන අතර, 1987 වැඩ ආරම්භ වී 1991 පමණ වැඩ නිම කර විවෘත කෙරිණි.
සමනල වැව ඉදිකිරීමේදී පෞරාණික කිංචිගුණේ ගම්මානය ද වැව් ජලයට යට වී තිබුණු අතර, මේ දිනවල පවතින දැඩි නියඟයෙන් ජලය සිඳී ගොස් එවකට කිංචිගුණේ ගම්මානයේ පිහිටි පෞරාණික ගංගාරාම විහාරස්ථානයේ චෛත්‍යයේ නටබුන් මතු වී තිබේ.
