ශ්‍රී ලංකා ගුවන් හමුදාවේ ගුවන් නියමුවන් පුහුණු කිරිම සදහා යොදාගනු ලබන PT 6 වර්ගයේ ගුවන් යානයක පරීක්ෂණ ගුවන් ගමනක දී හදිසියේ කඩා වැටීමෙන් එහි ගමන් ගත් ගුවන් නියමුවා සහ ගුවන් පරීක්ෂණ රාජකාරි සඳහා ගමන් කළ ඉංජිනේරු නිලධාරියා මියගොස් ඇති බව ගුවන් හමුදාව නිවේදනය කරයි.
චීනවරාය විද්‍යාපීඨයේ පිහිටි අංක 01 පියාසර පුහුණු පක්ෂාංගයේ ගුවන් පරික්ෂණ කටයුත්තක් (Air Test) සදහා අද දින (07) උදෑසන 11 25 පමණ චීනවරාය ගුවන් පථයෙන් ගුවන් ගතවි විනාඩි දෙකට පසු, එනම් 11 27 ට පමණ ගුවන් හමුදා චිනවරාය කදවුරු ප්‍රදේශයට යානය කඩා වැටී ඇති බව ගුවන් හමුදා මාධ්‍ය ප්‍රකාශක ගෲප් කපිතාන් දුෂාන් විජේසිංහ පැවසුවේය.
ගුවන් හමුදාධිපති එයාර් මාර්ෂල් උදේනි රාජපක්ෂ විසින් වැඩිදුර විමර්ශන කටයුතු සදහා විශේෂ පරික්ෂණ කමිටුවක් මෙි වනවිටත් පත්කර ඇත.
