මිහින්තලාව, තම්මැන්නාව වැවේදී අකුණු සැර වැදීමෙන් පුද්ගලයන් තිදෙනෙකු ජීවිතක්ෂයට පත්ව තිබෙනවා.
මෙලෙස මියගොස් ඇත්තේ වැවේ මාළු ඇල්ලීමට ගිය පුද්ගලයින් තිදෙනෙකු බවයි වාර්තා වන්නේ. ඔවුන් වයස අවුරුදු 44 – 46 අතර පසුවන්නන්.
අද (11) පස්වරුවේ හත් දෙනෙකුගෙන් පමණ යුත් පිරිසක් වැවේ මාළු අල්ලමින් සිට ඇති අතර ඒ අතරතුරයි මෙම අකුණු සැරවැදීම සිදුව ඇත්තේ.
මෙසේ මියගොස් ඇත්තේ මහින්ද කුමාර (42) ධර්මසිරි රණතුංග (44) සරත් චන්ද්‍ර (46) නමැති තිදෙනෙකි.
ඔවුන් කහටගස්දිගිලිය, ගඟුරෑව හා ඇල්ලේවැව ගම්මානයේ තිදෙනකු බව පොලිසිය සඳහන් කරයි.
මෙම තිදෙනාගේ සිරුරු තම්මැන්නාව රෝහලේ තැන්පත් කර ඇත.
