දැනට රජයේ රස පරීක්ෂක දෙපාර්තමේන්තුව භාරයේ පවතින කෝටිපති ව්‍යාපාරික දිනේෂ් ෂාෆ්ටර් මරණයට පත්වන අවස්ථාවේ ඇඳ සිටි ඇඳුම් ලබාගෙන ඒවා ඔහුගේ මරණයට හේතු සෙවීම සඳහා පත් කළ පංච පුද්ගල විශේෂඥ වෛද්‍ය කමිටුව වෙත යොමු කරන ලෙස කොළඹ මහේස්ත්‍රාත් අධිකරණය අපරාධ පරීක්ෂණ දෙපාර්තමේන්තුවට නියම කර තිබෙනවා.
මෙම සිද්ධියට අදාළ නඩුව ඊයේ කැඳවනු ලැබුවේ කොළඹ අතිරේක මහේස්ත්‍රාත් රජින්ද්‍රා ජයසූරිය හමුවේ දී බවයි වාර්තා වන්නේ.
මෙහිදී ඉදිරිපත් වූ කරුණු සළකා බැලූ මහේස්ත්‍රාත්වරිය පොලිස් අපරාධ ස්ථාන පරීක්ෂණ කණ්ඩායම විසින් මරණය සිදු වූ ස්ථානයේ සහ මරණකරු සිටි වාහනය තුළ තිබී සොයාගත් ද්‍රව්‍ය විමර්ශන සදහා විශේෂඥ වෛද්‍ය කමිටුව වෙත භාර දෙන ලෙසද තවදුරටත් නියෝග කළා.
මෙම නඩුව ලබන මස 05 වනදා යළි කැඳවීමට නියමිතව තිබෙනවා.
57
/ 100
SEO Score
