මිනුවන්ගොඩ මෙහෙණි ආරාමයකින් අතුරුදන් වූ මෙහෙණින් වහන්සේලා තිදෙනා නුවරඑළියෙන් හමුවෙයි !

මිනුවන්ගොඩ බොරළුවත්ත ප්‍රදේශයේ පිහිටි මෙහෙණි ආරාමයේ සිට අතුරුදන් වූ බාලවයස්කාර මෙහෙණින් වහන්සේලා තිදෙනා නුවරඑළිය පොලිසිය මඟින් සොයාගෙන තිබේ.

වයස අවුරුදු 12,15,18 යන වයස් වල පසුවු මෙම මෙහෙණින් වහන්සේලා තිදෙනා පසුගිය (24) වන දින සිට මෙහෙණි ආරාමයේ සිටි වයස අවුරුදු 32 ක කාන්තාවක් සමග අතුරුදන්ව ඇති බවට මිනුවන්ගොඩ පොලිසියට පැමිණිලි ලැබී තිබූ බව පොලිස් මූලස්ථානය පවසයි.

සැකකාර කාන්තාව නුවරඑළිය ප්‍රදේශයේ පදිංචිකාරියකි. මෙහෙණින් වහන්සේලා නුවරඑළිය ඇගේ ඥාතී නිවසකට රැගෙන ගොස් සිටියදී එම නිවැසියන් මෙහෙණින් වහන්සේලා තිදෙනා සහ කාන්තාව ඊයේ (26) නුවරඑළිය පොලිසියට බාර දී ඇත.

ප්‍රශ්න කිරීමේදී පවසා ඇත්තේ, ආරාමයේ සිටින ප්‍රධාන මෙහෙණින් වහන්සේගේ කරදර නිසා කාන්තාව සමඟ පැමිණි බවයි.

සැකකාර කාන්තාව සහ මෙහෙණින් වහන්සේලා වැඩිදුර පරීක්ෂණ සඳහා මිනුවන්ගොඩ පොලීසියට භාර දී ඇත.