බෙල්ලන්විල වනජීවියේ සිටි කලු වඳුරන් සොරා ගනී !

බෙල්ලන්විල අත්තිඩිය ප්‍රදේශයේ වනජීවී මධ්‍යස්ථානයක සිටි කලු වඳුරු පැටව් 4 දෙනෙක් සොරාගෙන ගොස් තිබෙනවා.

අදාළ සැකකරුවන් වඳුරු පැටවුන් සිටින කුටියට පැමිණ සිටින ආකාරය එහි තිබු සීසීටීවී දර්ශනවල පටිගත වී ඇති බවයි වාර්තා වන්නේ.

වනජීවී අඩවි සහකාරකවරයා පවසා ඇත්තේ මෙම වනජීවී මධ්‍යස්ථානයේ ප්‍රතිකාර ලබමින් සිටි කලු වඳුරන් පසුගිය 9 වනදා පැහැරගෙන ගොස් ඇති බවයි.

මෙම සොරකමට මෝටර් රථයක් භාවිතා කර ඇති බවට පොලිසිය මේ වන විටත් සොයාගෙන ඇති අතර සැකකරුවන් පිලිබඳ තොරතුරක් වෙතොත් වනජීවි හදිසි ඇමතුම් අංකය 1992, පුනුරුත්තාපන මධ්‍යස්ථානය 0113604147යන අංකයට දැනුම් දෙන ලෙස පොලිසිය මහජනතාවගේ සහය පතනවා.