යාපනය විශ්ව විද්‍යාලයේ කළමනාකරණ පීඨයේ ශිෂ්‍යාවක් ඇගේ කිළිනොච්චිය කෝනාවිල් ප්‍රදේශයේ පිහිටි නිවසේදී ඊයේ (17) ගෙළ වැළලාගෙන මියගොස් තිබේ.
මෙම ශිෂ්‍යාව මීට දින දෙකකට පෙර යාපනයේ විශ්ව විද්‍යාලයේ සිට නිවසට පැමිණීමෙන් පසුව ගෙල වැළැලා ගෙන ඇත.
වසන්ත කුමාර් දීලක්ෂියා නැමති විසි දෙහැවිරිදි මෙම විශ්ව විද්‍යාල සිසුවිය අධ්‍යාපනය ලබා ඇත්තේ කිළිනොච්චිය කෝනාවිල් මහා විද්‍යාලයෙනි.
මියගිය එම ශිෂ්‍යාවගේ සහෝදරයා පොලීසියට පවසා ඇත්තේ ඇයට මේ ආකාරයට මියයාමට තරම් දැඩි මානසික කම්පනයක් තිබූ බවක් දැන නොසිටි බවය.
ඇගේ සොහොයුරා නිවසට පැමිණෙන විට ඇය ගෙළ වැළලාගෙන සිටිනු දැක වහාම ඇයව කිළිනොච්චිය රෝහලට රැගෙන ගොස් ඇතත් ඇයව රෝහල් ගත කරණ විටත් මියගොස් සිටි බව වෛද්‍යවරු ප්‍රකාශ කොට තිබේ.
ගෙළ වැළලාගෙන මියගිය සිසුවියගේ මෘත ශරීරය කිළිනොච්චිය රෝහලේ පශ්චාත් මරණ පරීක්ෂණ කටයුතු සදහා තබා ඇති අතර කිළිනොච්චිය පොලිසිය සිද්ධිය සම්බන්ධයෙන් පරීක්ෂණ පවත්වා ගෙන යයි.
