අකුරැස්ස-ගාල්ල ප්‍රධාන මාර්ගයේ හේනගම තේ කම්හලක් ආසන්නයේදී බස් රථයක් සහ ත්‍රිරෝද රථයක් එකිනෙක ගැටී අනතුරක් සිදුව තරුණයෙක් මියගොස් තිබෙනවා.
එලෙස මිය ගොස් ඇත්තේ තෙලිජ්ජවිල, මාරගොඩ ප්‍රදේශයේ පදිංචි පසන් මනුෂ ගමගේ නැමති 17 හැවිරිදි තරුණයෙකි.
මෙහිදී තවත් අයෙක් තුවාල ලබා ඇති අතර, ඔහු අකුරැස්ස රෝහලට ඇතුළත් කර ඇත.
මියගිය තරුණයා තවත් අයෙකු සමග ත්‍රිරෝද රථයෙන් ගාල්ල සිට අකුරැස්ස දෙසට ගමන් කරමින් සිටින අතරතුර එම අනතුර සිදුව තිබෙනවා.
අනතුරින් තුවාල ලැබූ ත්‍රිරෝද රථ රියදුරු සුල්තානාගොඩ අකුරුගොඩ ප්‍රදේශයේ පදිංචි 19 හැවිරිදි තරුණයෙකි.
සිද්ධිය සම්බන්ධයෙන් අකුරැස්ස පොලීසිය වැඩිදුර පරික්ෂණ පවත්වනවා.
61
/ 100
SEO Score
