යාපනය විශ්වවිද්‍යාලයේ වෛද්‍ය පීඨයේ අවසන් වසර සිසුවෙකු අතුරුදහන්ව ඇති බවට ඔහුගේ දෙමව්පියන් ඊයේ (5) යාපනය පොලීසියට පැමිණිලි කොට තිබේ.
මෙසේ අතුරුදහන්ව ඇත්තේ අනුරාධපුරයේ පදිංචි සිසුවෙකි.
ඔහුගේ ජංගම දුරකතනය දින කීපයක සිට අක්‍රිය වී තිබීම හේතුවෙන් එම සිසුවාගේ දෙමව්පියන් යාපනය විශ්වවිද්‍යාලයට පැමිණ ඔහු ගැන සොයා බලද්දී ඔහු ගැන කිසිම තොරතුරක් නොමැති නිසා ඒ සම්බන්ධයෙන් දෙමව්පියන් යාපනය පොලීසියට පැමිණිලි කොට තිබේ.
එම සිසුවා යාපනය විශ්ව විද්‍යාලයේ වෛද්‍ය පීඨයට අයත් නේවාසිකාගාරයක සිට ඇති අතර ඔහු සමග සිටි යහළුවන්ද ඔහුට සිදු වූයේ කුමක්ද යන්න නොදන්නා බව පොලීසියට කළ පැමිණිල්ලේ සදහන් වෙයි.
යාපනය පොලීසිය සිද්ධිය සම්බන්ධයෙන් පරීක්ෂණ පවත්වා ගෙන යයි.
