ශ්‍රී ලංකා පොදුජන පෙරමුණේ මන්ත්‍රීවරුන් පිරිසක් විපක්ෂයේ අසුන් ගැනීමට තීරණය කර තිබෙනවා.
ඒ, පාර්ලිමේන්තු මන්ත්‍රී නාමල් රාජපක්ෂ මහතා විපක්ෂ නායක ලෙස පත් කිරීමේ අරමුණින්.
පසුගියදා පැවැති සාකච්ඡාවක දී මේ සම්බන්ධයෙන් දීර්ඝ වශයෙන් කරුණු සාකච්ඡා කර ඇති බවයි වාර්තා වන්නේ.
එහි දී විවිධ පරස්පර අදහස් මතු වූව ද ශ්‍රී ලංකා පොදුජන පෙරමුණේ අනාගතය සුරක්ෂිත කිරීමට මෙවැනි දැඩි තීන්දුවක් ගැනීමට සිදු වන බව ද ප්‍රකාශ වී තිබෙනවා.
ඇතැම් මන්ත්‍රීවරු එහි දී ප්‍රකාශ කර ඇත්තේ, විපක්ෂයේ අසුන් ගැනීමෙන් ආණ්ඩුවට බලපෑමක් ඇති විය හැකි බවයි.
කෙසේ වෙතත් ශ්‍රී ලංකා පොදුජන පෙරමුණට පාර්ලිමේන්තුවේ බහුතර මන්ත්‍රී කණ්ඩායමක් සිටින බැවින් එය ඉතා පහසු කටයුත්තක් බව ඇතැම් මන්ත්‍රීවරුන් දරණ මතය වනවා.
මේ සම්බන්ධයෙන් තවදුරටත් සලකා බැලිය යුතු බවත් ඊට පෙර මෙය පක්ෂ නායක මහින්ද රාජපක්ෂ දැනුවත් කළ යුතු බවත් එහි දී එකඟ වී තිබෙනවා.
