සමගි ජන බලවේගයේ පාර්ලිමේන්තු මන්ත්‍රී අජිත් මාන්නප්පෙරුමට අද සිට සති හතරකට පාර්ලිමේන්තුව තහනම් කර තිබෙනවා.
ඒ අද පෙරවරුවේ පාර්ලිමේන්තුවේ ඇති වූ උණුසුම් තත්වයත් සමගයි.
මහජන ආරක්ෂක අමාත්‍ය ටිරාන් අලස්ට යොමුකළ පැනයකට ප්‍රතිචාර නොදැක්වීම හේතුවෙන් අජිත් මාන්නපේරුම මන්ත්‍රීවරයා උණුසුම් ලෙස හැසිරීමට උත්සාහ ගෙන තිබුණා.
තත්ත්වය පාලනය කිරීම සදහා පාර්ලිමේන්තුවේ කටයුතු විනාඩි 10 කට කල් තැබීමටයි කතානායකවරයා කටයුතු කළේ.
පසුව විනාඩි 10 කට පසු පාර්ලිමේන්තු කටයුතු අරඹමින් කතානායක මහින්ද යාපා අබේවර්ධන නිවේදනය කළේ සෙංකෝලය ස්පර්ශ කිරීම තුළ බරපතල විනය විරෝධී කටයුත්තක් සිදුකර ඇති බැවින් පාර්ලිමේන්තු මන්ත්‍රී අජිත් මාන්නප්පෙරුමට අද සිට සති 4 ක කාලයක් පාර්ලිමේන්තුව තහනම් කරන බවයි.
