ශ්‍රී ලංකා ක්‍රිකට් කණ්ඩායම සමග අද (10) දිවයිනට පැමිණි ක්‍රිකට් තේරීම් කමිටුවේ සභාපති ප්‍රමෝද්‍ය වික්‍රමසිංහ මහතා තරඟ පරාජයට හේතුව සම්බන්ධයෙන් විශේෂ අනාවරණයක් සිදුකර තිබෙනවා.
ඔහු එහිදී සඳහන් කළේ ශ්‍රී ලංකා ක්‍රිකට් කණ්ඩායමේ පරාජය පිටුපස, එක්තරා කණ්ඩායමක් සිටි බවත් ,ඔවුන්ගේ කුමන්ත්‍රණකාරී වැඩපිළිවෙළ නිසා මෙම ඛේදනීය පරාජය අත්වු බවයි. ඊට අදාළ සියලු තොරතුරු දින 02කින් හෙළිකරන බවද ඔහු වැඩිදුරටත් සඳහන් කළා.
ශ්‍රී ලංකා ක්‍රිකට් කණ්ඩායම අද අලුයම කටුනායක ගුවන් තොටුපොළ වෙත පැමිණ තිබු අතර ශ්‍රී ලංකා ක්‍රිකට් ආයතනයේ නිලධාරීන් කීප දෙනකු ඔවුන් පිළිගැනීම සදහා කටුනායක ගුවන් තොටුපොළ පැමිණීමේ පර්යන්තය වෙත පැමිණ තිබුණා.
ඔවුන් වෙනුවෙන් කටුනායක ගුවන් තොටුපොළෙන් පිටව යාම සදහා පොදු බස් රථයක් සූදානම් කර තිබුණද බොහෝ ක්‍රීඩකයින් තම පෞද්ගලික මෝටර් රථවලින් සිය නිවෙස් බලා පිටත්ව ගිය අතර මොවුන් වෙනුවෙන් කටුනායක ගුවන් තොටුපොළ සහ ඒ අවට වැඩි ආරක්ෂක නිලධාරීන් පිරිසක් යොදවා තිබු බවයි වාර්තා වන්නේ.
2023 ලෝක කුසලාන එක්දින ක්‍රිකට් තරගාවලයේදී ශ්‍රී ලංකා කණ්ඩායම තරග රැසක් ඉතා දුර්වල ආකාරයෙන් ක්‍රීඩා කළ අතර එහිදී අමිහිරි පරාජයන් රැසක් උරුම කරගෙන තිබුණා.
