බලංගොඩ, ගවරන්හේන, වැයින්තැන්න ප්‍රදේශයේ නිවාස හතරක් ඊයේ (12) රාත්‍රියේ නාය යාමකට ලක්ව තිබෙනවා.
ඉන් එක් නිවාසයක් සම්පූර්ණයෙන්ම යටවී ඇති බවයි බලංගොඩ පොලිසිය පවසන්නේ.
එම නිවසේ සිටි මව,පියා සහ දියණියන් දෙදෙනකු අතුරුදන්ව ඇති බවයි පොලිසිය පවසන්නේ.
අනෙකුත් නිවාසවල සාමාජිකයින් 9 දෙනෙක් ඒ ආසන්නයේ පිහිටි වාඩියක රැඳී සිටින බවත් තුවාල ලැබූ එක් පුද්ගලයෙකු රෝහල් ගත කිරීමට පියවර ගත් බවත් පොලිසිය පැවසුවේ.
තවත් වයෝවෘද පුද්ගලයෙකු පස්කණ්ඩියකට යට වී සිටියදී මුදවා ගැනීමට හැකි වී තිබෙනවා.
රාත්‍රි කාලය නිසාත් පවතින දැඩි අවදානම් සහිත තත්ත්වය නිසාත් අතුරුදන් පුද්ගලයන් සොයා ගැනීම දුෂ්කර වී තිබූ අතර අතුරුදන් වූවන් ආරක්ෂිතව සිටිනවාදැයි සැකයක් පවතින බවත් පොලිසිය පවසනවා.
