රත්නපුර නගරයේ ප්‍රධාන පාසලක ක්‍රීඩා උපදේශකවරයා සහ පාසල් සිසුන් දෙදෙනෙකුට පහරදුන් පුද්ගලයන් සිව්දෙනෙක් රත්නපුර පොලිසිය විසින් අත්අඩංගුවට ගෙන තිබෙනවා.
පහර දී ඇත්තේ රත්නපුර සීවලී ක්‍රීඩාංගනයේදී ඔවුන් පුහුණුවීම් වල නිරත වෙමින් සිටි අවස්ථාවේදීයි.
පහරකෑමට ලක්වූ පාසල් සිසුන් දෙදෙනා සහ පුහුණුකරු රත්නපුර රෝහලට ඇතුලත් වී ඇතිබවයි වාර්තා වන්නේ.
අත්අඩංගුවට ගත් සැකකරුවන් අවුරුදු 28,31 සහ 48 වයස්වල පසුවන අතර ඉන් තිදෙනෙක් මලළ ක්‍රීඩා සංගම්වල සාමාජිකයින් වන බවයි පොලිසිය පවසන්නේ.
