රාගම වෛද්‍ය පීඨයේ සිසුන් 180 දෙනා මුදා ගෙන ඇති බව වාර්තා වනවා.
ඒ ඔවුන් හන්තාන කඳු මුදුනෙහි අතරමංව සිටින බව පොලීසියට දැනුම් දීමෙන් අනතුරුව සිදුකළ මෙහෙයුමකින් පසුවයි.
ප්‍රදේශයේ පැවති අයහපත් කාලගුණික තත්ත්වයත් සමග පැවති දැඩි මීදුම් තත්ත්වයක් නිසා එම ප්‍රදේශයට ළඟා වීමට දැඩි අපහසු තත්ත්වයක් පැවති බව පොලීසිය සඳහන් කළා.
කෙසේ වෙතත් එම සිසුන් පිරිස මුදා ගැනීම සඳහා යුද හමුදාව සහ පොලීසිය එක්ව පැය 6 ක පමණ විශේෂ මෙහෙයුමක් දියත් කිරීමෙන් අනතුරුව පිරිස මුදා ගෙන තිබෙනවා.
මෙම වෛද්‍ය පීඨයේ සිසුන් 180 අතර සිසුන් 60ක් සහ සිසුවියන් 120ක් වූ බව සඳහන්.
පැවති අයහපත් කාලගුණය නිසා යළි පැමිණීමට මාර්ගය අපැහැදිළි වීමෙන් ඔවුන් මෙලෙස හන්තාන කඳු මුදුනේ අතරමංව සිට තිබෙනවා.
