තම ජංගම දුරකථනය හරහා පාසල් සිසු සිසුවියන් පස් දෙනෙකුට අසභ්‍ය දර්ශන පෙන්වූ කාර්යාල කාර්ය සහායකවරයෙකු වෙන්නප්පුව පොලිසිය විසින් අත්අඩංගුවට ගෙන තිබෙනවා.
එම විදුහලේ විදුහල්පතිවරයා විසින් සිදු කරන ලද පැමිණිල්ලකට අනුව ඔහුව අත්අඩංගුවට ගෙන ඇති බවයි වාර්තා වන්නේ.
මෙසේ අත්අඩංගුවට ගෙන ඇත්තේ ලුණුවිල, බණ්ඩිරිප්පුවේ පදිංචි වයස අවුරුදු 24ක් වන පුද්ගලයෙක්.
අප වාර්තාකරු පැවසුවේ අදාළ විද්‍යාලයේ 04 ශ්‍රේණියේ පන්ති කාමරය තුළදී දැරියන් තිදෙනෙකු සහ දරුවන් දෙදනෙකු සිපගෙන අනතුරුව එම දරුවන්ට තම ජංගම දුරකථනයේ තිබූ අසභ්‍ය දර්ශන කිහිපයක් පෙන්වා ඇති බවයි.
කෙසේ වෙතත් අදාළ සිදුවීම වන අවස්ථාවේ පන්ති කාමරය තුළ ගුරුවරයෙකු හෝ ගුරුවරියක් සිට නොමැති බවයි විදුහල්පතිවරයා සඳහන් කර සිටියේ.
