බෞද්ධාලෝක මාවතේ බණ්ඩාරනායක සම්මන්ත්‍රණ ශාලාව ඉදිරිපිට පැවැත්වෙන උත්සවයක් සඳහා පාර හරහා තාවකාලිකව ඉදිකර තිබූ තොරණක් කඩා වැටීමෙන්, එහි මාර්ග ගමනාගමනට බාධා එල්ල වී තිබුණා.
ඒ අනුව බොරැල්ලේ සිට තුන් මුල් දක්වා වාහන ගමන් කිරීමට නොහැකිව මිනිත්තු තිහක පමණ කාලයක් මාර්ගය අවහිර වී තිබූ බවයි වාර්තා වන්නේ.
අද (10) ඉරිදා දිනයේ දී මාර්ගයේ එතරම් වාහන නොමැති බැවින් සිදු වීමට තිබූ විශාල අනතුරක් වැළකී ගිය බවයි අප වාර්තාකරුවන් ප්‍රකාශ කළේ.
කෙසේ නමුත් රථවාහන රාජකාරියේ යෙදී සිටි පොලිස් නිලධාරීන් වැසි නොතකා, කඩා වැටුණු තොරණේ කොටස් එකිනෙක ගලවමින් පාරෙන් ඉවත් කොට වාහන ගමනාගමනයට ඉඩ සලසා දී තිබෙනවා.
