බුදු දහමට අපහාස කළ බවට වන චෝදනා යටතේ චීවරදාරියෙකු අත්අඩංගුවට ගෙන තිබෙනවා.
විශ්ව බුද්ධ මුණි නාමයෙන් පෙනී සිට ඇති මෙම චීවරදාරියා සමාජ මාධ්‍ය තුළ බුදු දහමට අපහාස වන අයුරින් විවිධ ක්‍රියා සහ ප්‍රකාශ සිදුකර ඇති බවයි වාර්තා වන්නේ.
34 හැවිරිදි එම චීවරදාරියා රත්නපුර ප්‍රදේශයේ පදිංචිකරුවෙකු වනවා.
මෙම චීවරදාරියා යූ ටියුබ් සහ ටික්ටොක් සමාජ මාධ්‍ය ජාලා හරහා එම අපහාසාත්මක ප්‍රකාශ ප්‍රචාරය කර ඇති බව සදහන්.
ඒ සම්බන්ධයෙන් පොලිසියට පැමිණිලි කිහිපයක්ද ලැබී තිබෙනවා.
අදාළ පැමිණිලි ඔස්සේ විමර්ශන ආරම්භ කර ඇති අපරාධ පරීක්ෂණ දෙපාර්තමේන්තුව ඊයේ(12) කලගෙඩිහේන ප්‍රදේශයේදී මෙම චීවරදාරියාව අත්අඩංගුවට ගැනීමටයි කටයුතු කර ඇත්තේ.
52
/ 100
SEO Score
