සෞඛ්‍ය අමාත්‍යාංශයේ (සුවසිරිපායේ) අතිරේක ලේකම් වෛද්‍ය සමන් රත්නායකගේ නිල කාර්යාලය මුද්‍රා තබන ලෙස මාලිගාකන්ද මහේස්ත්‍රාත් අධිකරණය විසින් සෞඛ්‍ය සේවා අධ්‍යක්ෂ ජනරාල්වරයාට නියෝග කර ඇත.
ප්‍රශ්නගත හියුමන් ඉමියොනෝග්ලෝබියුලින් එන්නත් තොගයක් මිලදී ගැනීමේ සිද්ධියට අදාළ සැකකරුවන් අධිකරණයට ඉදිරිපත් කළ අවස්ථාවේදී මෙම නියෝගය නිකුත් කර තිබේ.
එම කාර්යාලය අද දිනයේ පරීක්ෂා කරන ලෙසට ද මහේස්ත්‍රාත්වරිය අපරාධ පරීක්ෂණ දෙපාර්තමේන්තුවට නියෝග කර ඇත.
ඒ අනුව එම කාර්යාලයේ ලිපි ලේඛන අද දිනයේ පරීක්ෂා කිරීමට නියමිතව ඇත.
