දේශසීමාව ආසන්නයේ පිහිටි තම ගම්මානයකට ඉරානය විසින් මිසයිල ප්‍රහාර එල්ල කොට දින දෙකකට පසුව පාකිස්තාන හමුදාව ඊට ප්‍රතිචාර දක්වා තිබේ.
ඒ දේශසීමාව ආසන්නයේ පිහිටි ඉරාන ප්‍රදේශයකට මිසයිල ප්‍රහාරයක් එල්ල කරමිනි.
පාකිස්තානය පවසන්නේ එම ප්‍රහාර ත්‍රස්තවාදීන් සැඟවී සිටින ස්ථාන ඉලක්ක කර එල්ලකළ බවය.
මේ අතර එම ප්‍රහාර හේතුවෙන් කාන්තාවන් තිදෙනෙක් සහ ළමුන් සිව්දෙනෙක් ජීවිතක්ෂයට පත්ව ඇති බව ඉරාන මාධ්‍ය වාර්තා කළේය.
