යුක්තිය මෙහෙයුම යටතේ පොලිස් නිලධාරීන් පැමිණ පරීක්ෂා කිරීමට උත්සාහ කිරීමේදී පළා යාමට තැත් කර සේදවත්ත ඇළට පැන්න අයෙක් දියේ ගිලී මිය ගොස් තිබෙනවා.
මත්ද්‍රව්‍ය පානය කිරීමට පැමිණි මිතුරන් තිදෙනෙකු සේදවත්ත කළු පාලම අසලදී පොලිස් නිලධාරීන් කීප දෙනෙකු දැක බියට පත් වී පළා යෑමට සේදවත්ත ඇළට පැන තිබෙන බව පොලිසිය පවසනවා.
ඇළට පැන්න තිදෙනාගෙන් දෙදෙනකු ඇලෙන් එගොඩවී තිබෙන අතර අනෙක් මිතුරා පිළිබඳව ප්‍රදේශවාසීන් සමඟ සොයා බැලීමේදී මඩේ එරි මිය ගොස් සිටියදී සොයාගත් බව පොලිසිය සඳහන් කළා.
මෙලෙස මිය ගොස් ඇත්තේ කැළණියේ පදිංචි 30 හැවිරිදි තරුණයෙක්.
65
/ 100
SEO Score
