හිටපු ජනාධිපති මෛත්‍රීපාල සිරිසේනගේ දියණිය පදිංචි බත්තරමුල්ල, වික්‍රමසිංහ පුර දෙමහල් නිවස හොරු කඩා තිබෙනවා.
තලංගම පොලිසිය පැවසුවේ සොරුන් විසින් දේපළ තොගයක් සොරා ගෙන ගොස් ඇති බවයි.
ඒ අනුව රුපියල් ලක්ෂ 30කට ආසන්න දේපළ මෙලෙස සොරුන් විසින් සොරාගෙන ඇති අතර නිවසේ අල්මාරියේ තිබූ රුපියල් 1,50,000ක මුදලක්, රන් ආලේපිත ඔටුවෙකුගේ පිළිමයක්, ස්මාර්ට් අත් ඔරලෝසුවක්, රන් ආලේපිත සිංගප්පූරු කාසි 8ක්, වියලි ආහාර ද්‍රව්‍ය හා පාසල් පොත් බෑගයක් ඒ අතරට අයත්ය.
හිටපු ජනාධිපති මෛත්‍රීපාල සිරිසේනගේ දියණියගේ සැමියා කොළඹ නිවසට පැමිණි අවස්ථාවේදී නිවස සොරුන් විසින් කඩා ඇති බව දැක පොලිසියට ඒ බව පැමිණිලි කර තිබෙනවා.
යම් පුද්ගලයකු හෝ කීප දෙනෙකු මුල්තැන්ගෙයි වීදුරු දොර කඩා නිවසට ඇතුළු වී නිවසේ තිබූ දේපළ සොරාගෙන ගොස් ඇති බවට හිටපු ජනාධිපති මෛත්‍රීපාල සිරිසේනගේ ව්‍යාපාරික බෑණා පොලිසියට පැමිණිලි කර ඇති බවයි වැඩිදුරටත් වාර්තා වන්නේ.
