පාසල් සිසුවියන් තිදෙනෙකුට ලිංගික අතවර කිරීමට තැත් කළ පාසල් ගුරුවරයෙක් පොලිසිය විසින් අත්අඩංගුවට ගෙන තිබෙනවා.
මෙලෙස අත්අඩංගුවට ගෙන ඇත්තේ හැටන් කලාප අධ්‍යාපන කාර්යාලය යටතේ පාලනයවන වටවල ප්‍රදේශයේ දමිළ පාසලක විද්‍යා ගුරුවරයෙක්.
වසර පහක පමණ කාලයක් එම පාසලේ විද්‍යාව ගුරුවරයා වශයෙන් සේවය කළ සැකකාර ගුරුවරයා පාසලේ 10 වසරේ අධ්‍යාපනය ලබන සිසුවියන් තිදෙනෙකුට ලිංගික බලපෑම් කරමින් එස්.එම්.එස් කෙටි පණිවිඩ කිහිපයක් යොමු කර ඇති බවයි වාර්තා වෙන්නේ.
එම කෙටි පණිවිඩවලට පාසල් සිසුවියන් පිළිතුරු නොයැවිම නිසා එම සිසුවියන් පන්ති කාමරය තුළ වාඩි වි සිටින පුටුව මත තම ”යෝජනාවට එකගද” යනුවෙන් ලියා තිබු බවයි අගතියට පත් පාසල් සිසුවියන් සඳහන්කර සිටින්නේ.
අවු 44 හැවිරිදි සැකකාර ගුරුවරයා දෙදරු පියෙකු වන බවත්, එම සැකකරු හැටන් මහෙස්ත්‍රාත් අධිකරණය වෙත ඉදිරිපත් කිරීමට නියමිත බවයි පොලිසිය වැඩිදුරටත් සඳහන්කර සිටින්නේ.
