ගිගුරුම් සහිත කුණාටුවක් හේතුවෙන් ඕස්ට්‍රේලියාවේ සිඩ්නි ඔපෙරා හවුස් අසලදී අකුණු සැර වැදීමෙන් පුද්ගලයන් සිව්දෙනකු රෝහල්ගත කර තිබේ.
සිඩ්නි උද්භිද උද්‍යානයට ඇතුල්වන ස්ථානයේ ගසක් යට සිටි පිරිමි පුද්ගලයන් දෙදෙනකුට සහ කාන්තාවන් දෙදෙනකුට මෙසේ අකුණු සැර වැදී තිබේ.
සිඩ්නි නගරය පැවැති අධික වර්ෂාව හේතුවෙන් විශාල විදුලිය ඇනහිටීම්ද සිදුව තිබේ.
අකුණු සැර වැදීමෙන් තුවාල ලැබූවන් පිළිස්සුම් තුවාල ලබා ඇති අතර, හෘදය ආශ්‍රිත රෝග ලක්ෂණ මෙන්ම සිහි නැතිවීම් ද සිදුව තිබෙනවා.
එක් පිරිමි පුද්ගලයකු සහ අවුරුදු 20ක කාන්තාවක් රාජකීය ප්‍රින්ස් ඇල්ෆ්‍රඩ් රෝහලට ද, අවුරුදු 30ක පිරිමි පුද්ගලයකු සහ කාන්තාවක් ශාන්ත වින්සන්ට් රෝහලට ඇතුලත් කොට ඇති අතර, ඔවුන් සිව් දෙනාම මේ වන විට ස්ථාවර තත්ත්වයේ පසුවන බව වාර්තා වේ.
එමෙන්ම රාජ්‍ය හදිසි සේවා සහ කාලගුණ විද්‍යා කාර්යාංශය (BoM) ද හදිසි ගංවතුර පිළිබඳ අනතුරු ඇඟවීම් නිකුත් කර ඇත.
බලපෑමට ලක්විය හැකි ස්ථාන ලෙස Newcastle, Scone, Armidale, Inverell, Bundarra සහ Quirindi ස්ථාන නම් කොට තිබේ
