සෙවණගල සීනි කම්හලේ කාපට් මැෂින් දෙකක් සොරකම් කර පරණ යකඩ වලට විකුණා තිබෙනවා.
මෙම මැෂින් දෙක කම්හලේ වෘත්තිය සමිති නායකයෙකු බව කියන පුද්ගලයකු විසින් රැගෙන ගොස් ඇඹිලිපිටියේ පිහිටි පරණ යකඩ බඩු මිලට ගන්නා ස්ථානයකට විකුණා ඇති බවයි වාර්තා වන්නේ.
සීනි කම්හලේ මැෂින් දෙක සොරකම් කර රුපියල් 535,000ක මුදලකට විකුණා තිබෙන බව එම ආයතනයේ ආරක්ෂක අංශ විසින් සොයාගෙන තිබෙනවා.
එම මැෂින් දෙක ප්‍රවාහනය කළ ට්‍රැක්ටර් රියදුරුද, චෝදනා ලබා සිටින වෘත්තීය සමිති නායකයාද අත්අඩංගුවට ගැනීමට කටයුතු කරන බව සෙවණගල පොලීසිය ප්‍රකාශ කළා.
මෙම සිද්ධිය සම්බන්ධයෙන් සීනි කම්හලේ පරිපාලනයද විමර්ශනයක් සිදු කරන බවයි වාර්තා වන්නේ.
66
/ 100
SEO Score
